馮仁昭四圍超： 熊黛林除分戒 擔心炒車城城 (蘋果日報)
2013-05-08 撰文：馮仁昭
熊黛林（Lynn）噚日現身中環出席佳士得春季拍賣會，雖然佢有咳同少少發燒，但依然着黑色低胸裙晒事業線，由於要示範過億珠寶，所以佢除低咗「分」戒，問到心情如何？Lynn話：「好番啲，我唔係細路仔，可以控制到。」
分手後同舊愛郭富城仲有冇聯絡？Lynn猶豫咗一陣話：「好忙，冇時間。」城城日前喺珠海賽車不慎炒車，Lynn都有睇新聞知道，問有冇慰問城城？佢置身事外話：「咁多人都問咗。」再問佢擔唔擔心？Lynn話：「每人都擔心，任何人都要注意安全，慈善還慈善，危險性活動要小心。」
「畀人寫衰唔公平」
Lynn喺上海被發現跟同性朋友親密，佢有啲勞氣話：「朋友嚟，人哋有老公，我知有人影緊特登玩吓，女仔錫面、攬攬OK，但唔好成日話TB唔尊重人，我要反歧視，我當朋友係屋企人，唔係滾、唔係勾人老公，同女仔玩都畀人寫衰，好唔公平！」如果有報道寫城城，係咪都當佢屋企人？Lynn保持距離話：「好朋友。」對於早前城城祝福佢，Lynn禮尚往來話：「好多謝，祝福我嘅朋友都快啲搵到幸福。」問𠵱家有冇人追求？Lynn話：「呢方面遲鈍啲，𠵱家單身好自由。」
=======================================================
Lynn再見是朋友照送祝福 (東方日報) 2013-05-08
城城出名愛車，更是賽車發燒友。
熊黛林（Lynn）與郭富城分手後逐漸走出情傷陰霾，除下「分」戒重新投入工作，她坦言與城城已沒聯絡，但彼此再見亦是朋友；對於城城祝福她，Lynn也隔空向舊愛送上祝福，好來好去！
熊黛林（Lynn）昨日擔任珠寶拍賣記者會模特兒，示範多套珠寶首飾，而因工作關係，Lynn亦除下了「分」戒。在她示範的珠寶首飾當中，其中一條水滴形鑽石是拍賣史上最大的一顆，身價近億元。Lynn表示自己因天氣而不適，問到現時心情如何？她謂心情已OK，指自己不是小朋友，可以控制情緒。提到有否留意郭富城賽車撞車？她表示有看新聞：「呢啲活動有一定危險，每個人都會擔心，任何人都要注意安全，生命喺第一位。（有冇慰問？）咁多人都問咗。（聯絡？）大家都忙，冇時間。」提到她早前被影到與助手去買狗糧時逆線行車？她直言走投無路，好慌亂：「我住咗咁多年都見啲車係咁行，可能咁啱改咗路。」
單身自由
此外，提到有報道指她與同性友人十分親密？她直斥報道不尊重：「女仔係我上海識好多年嘅朋友，有老公o架，我知嗰日有人影，咪玩吓，但報道寫朋友做TB（Tom Boy）就好唔尊重同過分。依家係咪想歧視？我自己都好尊重『狗仔隊』啦！」她語帶激動表示自己不是去勾人老公，覺得報道寫到這樣不公平：「我唔係去『滾』，寫我唔緊要，唔好寫我身邊人，我當佢哋係家人。（係咪都當城城係家人？）係好朋友。（再見亦是朋友？）係。（城城祝福你？）多謝祝福我嘅朋友，都可以搵到幸福。」她又謂自己單身很自由，可以慢慢選擇。
素顏現身
而於活動前一天，Lynn被發現素顏現身中環，戴上黑超的她手持一個疑似載藥物的白色膠袋，未幾助手便駕駛其坐駕接載她。另外，昨日有人在網上發放對郭富城的負面評論，情況幾近失控，更涉及人身攻擊，當中有人懷疑另有內情。文：名人組
