（攝影：陳俊強）(蘋果日報)
同城城喜相逢
城城話自己o依家感情一片空白，仲話想正正經經搵個對象。
郭富城、英國球星米高奧雲（Michael Owen）、溫碧霞同老公何祖光及李國寶夫婦等，今日去到沙國馬場出席英國服裝品牌Kent & Curwen百周年紀念短途盃。
城城同奧雲已經係第二度碰面，今日一見面即刻雞啄唔斷，奧雲以英文表示：「今次來港會逗留三天，明天會出席足球活動，今天來馬場見到城城很開心，我們已是第二次見面，十分希望可以跟他一起健身，我們有共同嗜好，除了愛做健身，同時也喜歡賽馬，而且我在英國有自己馬房，有兩位練馬師。」
城城今日心情靚靚，仲主動問記早自己係咪瘦咗，佢話：「我呢輪喺內地拍戲，因為經常用膠水黏毛，俾膠水整傷晒面部皮膚，加上片場時冷時熱，真係好辛苦，今次返嚟會去睇中醫，聽日做埋千嬅個唱嘉賓就會返無錫拍戲。」
對於早前城城疑於網上裸聊R小姐，被問到以後仲敢唔敢喺網上識女仔，城城話：「之前我已經喺微博解釋過，某啲人有動機咁傷害我，希望呢啲人快收手，我o依家感情係一片空白，係想正正經經搵個對象，但緣份係天註定，冇得強求。」至於熊黛林指佢欠缺安全感，佢話：「過去咗嘅嘢唔再批評，做男人着同唔着都唔應該計較，有乜最好擺喺心，自己承受就得。」
===========================================================
同奧雲仔鬥魅力！郭富城病都咁型 (娛樂蘋台-即時新聞-賽馬) 2015-01-25-21:20
奧雲(右)與郭富城(左)在露亮圈睇馬
左起奧雲、郭富城、應家柏
今屆香港速度系列首關，1000米一級賽KENT & CURWEN百週年紀念短途盃，結果由「幸福指數」勝出，臨場有咩比隻馬更搶鏡？梗係兩位贊助商請來之嘉賓郭富城及前英格蘭球員米高奧雲啦，兩人在馬匹亮相圈出現，又於草地跑道擔任頒獎嘉賓，全程由馬會CEO應家柏親自招呼，認真架勢。城城話近日拍戲太辛苦，有啲不適，不過一喺公眾場合出現，即刻流露巨星風采，抵你食呢行飯嘅！
留言列表
