千嬅囝囝勁like城城 夜晚開卡拉OK跟住跳 (娛樂蘋台-即時新聞) 2015-02-01-14:08 
噚晚係楊千嬅演唱會尾場，原定11點50完場，但係fans唔肯走，千嬅最後清唱咗《練金術》，十二點完場。喺慶功宴嘅時候，問到千嬅把聲都變晒，千嬅就話：「係啊！變晒，由off嗰日開始發病，真係好唔舒服，紅館有好多人都唔舒服，所以搞到中咗招，阿仔發燒，我又發燒，嗰仔一發燒，我就會好似癲咗咁。」仲表示依家瞓覺都會戴住口罩。
千嬅嘅爸爸咁多晚都有嚟到支持，千嬅表示爸爸覺得好難得仲可以開騒，又表示囝囝唔肯瞓覺，成日都要等佢做完騒返屋企先肯瞓：「試過有一次，阿仔話婆婆講大話，唔肯瞓，因為有兩次媽咪呃佢話去廁所，就出咗嚟，等姐姐陪佢瞓，我覺得佢幾勁，兩歲幾就知咁多嘢，不過佢等到我凌晨4點幾返到去先肯瞓。第一晚阿仔嚟支持，真係好開心，佢好鍾意郭富城，係咁喺卡拉OK睇，仲跳埋舞，又真係識跳。
全站熱搜
留言列表
